結婚戒指慳一半！「培育鑽石」平靚正成新趨勢？Lovebird Diamond GIA專家教你3招精明揀婚戒

結婚係人生大事，但由酒席、禮金到影婚紗相，樣樣都係錢，真係諗起都頭痛！當中開支最大嘅，莫過於一對象徵永恆嘅結婚戒指。傳統觀念覺得鑽石一定係天價，但原來家陣時勢唔同喇！

最近有本地婚戒專門店 Lovebird Diamond 公布咗個驚人數據，就係店內「培育鑽石」同「天然鑽石」嘅銷量比例，竟然已經去到一比一！即係每兩個買戒指嘅人，就有一個揀咗培育鑽石。

究竟培育鑽石係咪「假嘢」？點解愈來愈多人揀？想結婚又想慳荷包嘅你，今次我哋就請教創辦人兼 GIA 鑽石鑑定師 Ivan Leung，拆解當代新人嘅精明消費哲學，教大家點樣用最抵嘅價錢，買到最啱心水嘅婚戒！

第一關：培育鑽石 vs 天然鑽石，點揀先最精明？

好多人一聽到「培育鑽石」，第一個反應就係「係咪假石嚟㗎？」。Ivan 就話，其實呢個係最大嘅誤解。

佢解釋：「無論係物理特性定係外觀，培育鑽石同天然鑽石都係完全一樣嘅。就算係業內人士，單憑肉眼都絕對分唔到，一定要用專業儀器先得。」

兩者最大分別，其實只係「出身」同「價錢」。一個係用億萬年喺地底形成，另一個係喺實驗室高科技模擬環境下「種」出嚟。既然係咁，作為精明消費者，應該點揀？

天然鑽石：儀式感與傳承之選
- 賣點： 稀有、獨一無二，有「億萬年的承諾」呢份浪漫故事。
- 適合場景： 求婚、周年紀念等人生最重要嘅時刻，送嘅唔只係戒指，仲有一份傳承價值。
- 價錢： 你懂的。
培育鑽石：日常奢華與性價比之選
- 賣點： 價錢平天然鑽石一大截（隨時平一半以上！），可以用同樣 budget 買到更大粒、更高淨度、更閃嘅鑽石。
- 適合場景： 日常佩戴、想試下唔同切割（心形、梨形）或者彩鑽嘅朋友，又或者係想將 budget 集中喺鑽石嘅卡數同品質上。
- 結論： 無話邊個好啲，最緊要睇你嘅用途同價值觀。搞清楚呢點，已經成功慳咗第一筆！

Ivan 觀察到，而家經濟環境麻麻，新人 budget 可能收緊，但對戒指嘅「個性化」要求反而有增無減。「精明消費唔係純粹買平嘢，而係要揀得更聰明、更有價值。」

想用有限 budget 買到獨一無二嘅戒指？其實有好多方法：

小資入門之選： 日本品牌「1122好夫婦」主打簡約優質，一對鉑金對戒竟然 $6,000 就有交易，CP值極高！
浪漫寓意之選： 日本品牌「Twins Cupid」有個好特別嘅概念，就係將一粒原石切割成兩粒鑽石，分別鑲喺男女對戒上，象徵「天生一對」，呢份心意，錢買唔到。
個性化訂製： 就算 budget 有限，都可以透過改金屬顏色（例如近年好hit嘅灰金色）、加磨砂效果，甚至鑲一粒屬於自己嘅生日石，用小細節打造出與眾不同嘅感覺。

今時今日乜都網購，婚戒係咪上網買就最抵？Ivan 提醒大家，網購買衫都驚唔啱身，何況係幾萬蚊嘅戒指？睇相好靚，但實物嘅金屬質感、鑽石火彩、上手嘅感覺，完全係兩回事。

「婚戒係戴一世嘅，面對面諮詢同親手試戴，係建立信任嘅必要過程。」佢哋堅持喺旺角同銅鑼灣開實體店，就係為咗解決網購嘅兩大焦慮：

資訊焦慮： 網上資料五花八門，睇完仲亂。去到舖頭有專業顧問（唔係sell你，而係同你分析），客觀解釋兩種鑽石分別，根據你 budget 同手型畀建議，過程完全無壓力。
實物不符風險： 舖頭有超過300款戒指任你試，可以慢慢比較唔同品牌嘅工藝，例如日本「鍛造」工藝嘅戒指硬度特別高，唔易變形，呢啲細節一定要親手摸過先知。