HOY TV旅遊節目《去邊啊Do姐》由鄭裕玲（Do姐）主持，聯同五位人氣男神林家謙、魏浚笙（Jeffrey）、Tyson Yoshi、洪嘉豪及應智越（細貓）玩轉歐亞，由9月4日起，逢星期一至五晚上8時30分於HOY TV 77台播映。尋晚（14日）第一集的嘉賓是Tyson Yoshi，二人同遊奧地利首都維也納。繼洪嘉豪挑戰唱山歌後，Tyson Yoshi在維也納一齊拜師學跳華爾滋，目標是兩小時極速學識。
華爾茲由男士主導，因此跳得好與否的責任，就落在Tyson身上，Tyson聞言立刻面青說：「大鑊啦...﹗」單單學習基本舞步已被考起，跳了幾分鐘就投降要休息。
Do姐忍不住嘲笑Tyson生硬的舞姿，形容他像個機械人。察覺到Tyson的緊張，Do姐開口提醒，「你同我要有啲eye contact吖嘛！」實情是Tyson一直低頭看地面是因為擔心踩到Do姐，同時默默記住舞步。
經過華爾滋速成班的洗禮，二人便要參加當地一個維也納舞會，Do姐大讚換上西裝的Tyson Yoshi靚仔！他自爆是中學以後首次穿西裝，為了這次共舞，他特別拜託朋友的爺爺量身訂制禮服；而Do姐身上典雅的白色長裙，亦要提早三個月訂製。
舞會上的賓客擁有相當的舞齡，只學了兩小時華爾滋的Tyson緊張得說「得番半條人命」。但是，他們兩人最後的表現還是出奇地好，Do姐也說：「算係咁啩！」
Comments